*पावणां रा दूहा *
पावणां है-क पीवणां ?
घर में आया पावणां, मीठा बोलै बोल ।
घर सूं बारै जांवतां,भूंडा पीटै ढोल ।।
घर रा खावै राबड़ी, पावणियां रै आम ।
माथो कूटां बापजी ,कद जावैला गाम ।।
कांदा काट्या कामणीं , सीरो पूड़ी साग ।
थाळी धरगै सामनै ,ढाबै मन री आग ।।
जीम जूठगै पावणां , पापड़ मांगै और ।
राम बरोबर पावणां , चालै कांईं जोर ।।
आईसक्रीम ठोकली , पावणां भूंडै हाल ।
गुलफी खाई टाबरां , राफां करली लाल ।
जीम्यां पाछै पावणां , किरचो मांगै नाप ।
घर म्हारै आय जाणै ,धरग्यो बां रो बाप ।।
कोई टिप्पणी नहीं:
एक टिप्पणी भेजें