![](https://blogger.googleusercontent.com/img/b/R29vZ2xl/AVvXsEiG0chqC1WOSCr7TS0a-ANm0m2pZ5WH5-2nKlWq7Xv3aDbvdFaWnvBBJQFPXW1ZDseaP0ScPpT9tYBlF6zgLoum_Ufu8eIhGEg9Jjgk58y-5q2USpO-TFqEH6to1onZakzvuwa_iQIdTkUG/s1600/Copy+%25286%2529+of+imagesCAL22Q5D.jpg)
भोत पळकतो सुरजडो , आज लुक्यो आकास ।।
झळती लूआं झेलता , होया रूंख हतास ।
बादळ मंड्या मुरधरा , जीवण बंधी आस ।।
सरवर तरवर सूकिया , पाणीं गयो पताळ ।
बादळ रै डर भाजियो ,पड़तख दिखतो काळ ।।
पाणी खूट्यो मरुधरा , बच्यो न आंख्या टाळ ।
अंबर बादळ गरजिया , मिटग्या सब जंजाळ ।।
![](https://blogger.googleusercontent.com/img/b/R29vZ2xl/AVvXsEhuQeBWO5lxJ09TXdTfGWinKUGtMAX9NdGg5SaUqOg-4bpK2qku80MEzOMywSg4Tkn4PoAgF2BWG1UZQzhDdTvFEA_r9eEdUDh-WiLZoQze6kZJqx_jRDN61gmbaXCQzPdMOjB9HvImjMzC/s200/397852_579621738737625_1130047033_n.jpg)
अबकै होसी बाजरी , आई म्हारी डांव ।।
बादळ बरसै धपटवां, किरसां गावै गीत ।
बरसै जद तूं बादळी, लागै मन री मीत ।।
नाड़ उठाई रूंखडां, पड़तां पैली छांट ।
बेलां चढ़गी रूंखडां , छोड छाडगै आंट ।।
धोरां आळी रेतडी , हरखी बेजां आज ।
धानी पैरूं चूंदडी, तूठ्या बादळ राज ।।
हरखी बेजां धण घणीं, पड़ती बिरखा आज ।
अब आवैला पीवजी, नीं चूकैला राज ।।
हींडा मंडै रूंखडां , खेतां चालै गोठ ।
सावण बरसी बादळी, कात्यां होसी मोठ ।।
टाबर जीमै गुलगला, बूढां हथ गुड़राब ।
बायां तळै पकोडिया, मरवण उडीकै साब ।।
कोई टिप्पणी नहीं:
एक टिप्पणी भेजें