कागद राजस्थानी

बुधवार, 6 जुलाई 2011

पूंछ आळा दूहा,


दस दूहा पूंछ आळा




[१]

बाबो राखतो बकरी,दूध देंती छटांक ।
चारो चरगै धपटवों,पछै चूसती फ़ांक ॥
                        पढगी होणी दो आंक ॥

[२]

मैडम करती नौकरी,धणी करतो राड़ ।
धणीं पीसतो पीसणौ,मैडम पीसै जाड़ ॥
                        धाकौ तो धिक्कै ई हो ॥

[३]

पंडत पाळ्यौ कूकडो़,झांझरकै देंतो बांग ।
लौग रेंवता ताक में,ज़बरौ मंड्यौ सांग ॥
                            पंडत री पूछ बधगी ॥

[५]
ठेको खुलग्यौ गांव में,सगळा होया चूंच ॥
रोज रोज गी पींवतां, बुक होई आगूंच ॥
                            सै’र रो भाडो़ बचग्यौ ॥

[६]

डैण पींवतौ धपटवीं, डॊकरी ही नराज़ ।
पीहर जास्यूं भाजगै,छोडौ आजो आज ॥
                           आ डोकरी मरवा सी ॥

[७]

काकै मांगी काकडी़, काकी घाली दाळ ।
काकै ठोकी लात री,काकी काढी गाळ ॥
                         काल पाछा राजी ल्यौ ॥

[८]

रंग गौरा आंख बडी,काया ज अपरम्पार ॥
कहो भायली आपके,  पातळिया भरतार ॥
                                म्हारला बांदर लागै ॥
[९]

जनता मांगी रोटडी,नेता मांग्या बोट ।
जनता तो भूखी सडी़,नेता जीमै नोट ॥
                       भाग है आप आप रा ॥

[१०]

चोरी करतो पेमलौ,जारी भी भरपूर ॥
नेता बणग्यौ जीतगै,दिल्ली काढै़ टूर ॥
                   चलो कळेस तो कटग्यौ ॥

कोई टिप्पणी नहीं:

एक टिप्पणी भेजें

Related Posts Plugin for WordPress, Blogger...