छोटी होवैभलां ई
मोटी होवै
दो जूण घर री
रोटी होवै !
.
पोवणियैं री
भलां ई
कोई जात होवै
पण रोटी में
रोटी आळी
बात होवै !
.
घर रो चूल्हो
कदै ई ना भूलो
चेतन चूल्हो
स्यान बणावै
अचेत चूल्हो
स्यान गमावै !
.
खाली पेट
कुण धणीं
भर्यै पेट
लाख धणी !
.
रोटी में
राम बसै
रोटी सारु
राम खस्सै
रोटी में ई
सगती है
रोटी खायां
मुगती है ।
.
आदर बिन
रोटी खाओ
बिरथा थारी
जूण गमाओ
इण रोटी सूं
धूड़ फाकणीं
आच्छी है
बात कथी कोई
साच्ची है ।
कोई टिप्पणी नहीं:
एक टिप्पणी भेजें