पांती री हांती जीमगै , दूजां रा हक खोसो क्यूं । कर मजूरी चूल्हो बाळै, घर बैठ्यां नै रोसो क्यूं ।।
थांनै सगळो हक सूंपगै , रोवै ना कुरळावै रे ।
आंख्यां मींच करै भरोसो,थांनै नित बिड़दावै रे ।
तोड़ो फेर भरोसो क्यूं ।।
जीत परा थे जाओ दिल्ली,पांच बरस थे आओ नीं।
ऐ तो चाबै सुक्का टुकड़ा , थे भावै ज्यूं खाओ नीं ।
रोज दिखाओ ठोसो क्यूं।।
सुणै नित रा भासण थांरा, ताळी पीट रिझावै है ।
खा रोटी घर री बापड़ा , गीत आपरा गावै है ।
जूण नै फेर मोसो क्यूं ।।
कोई टिप्पणी नहीं:
एक टिप्पणी भेजें