![](https://blogger.googleusercontent.com/img/b/R29vZ2xl/AVvXsEj7Y5jQIOn2y0SIRPCAcLJCKJIpcgYJCxq5B0ZNUu3FIyluRAcHF9YyNID82LlXVeyXuSsadXnJ_SM2G1xLNAfOqvSGxzGpaqo76jzrkQBIDmXsG9ycZT9nsysSl7rmVpgltfcCCaC0Y0hV/s200/2012-10-23+19.20.51.jpg)
कानूनां री भरमार है
नीं मानै जकां रै
पौ बारा है
मानै जकां रै मार है ।
रोटी कोनीं
पण रोटी रो कानून है
पेट भूखा है
पण भूख मुखती रो कानून है
आबरू लुटै
पण आबरू रो कानून है
रुजगार कोनीं
पण रुजगार रो कानून है
आतंक जावै कोनीं
पण आतंक विरोधी कानून है
भ्रष्टाचार मिटै कोनीं
पण भ्रष्टाचार विरोधी कानून है
बोलो मत
लिखो मत
छापो मत
कोरो मत
पण अभिव्यक्ति री
सुतंतरता रो कानून है !
कानून तो
और भी बण सकै
जिण री
राज नै दरकार है
आखर आपणीं चुण्योड़ी
सरकार है
काठा राखो
जे थां खंनै
थांरो कोई विचार है !
कोई टिप्पणी नहीं:
एक टिप्पणी भेजें