![](https://blogger.googleusercontent.com/img/b/R29vZ2xl/AVvXsEhkSd_41Dr_QvVvKEsjW9YURnzjP0d3COrtJAJJZo4ijoVTqWv3aozR0BVhVpXVSN8A5KRenbmLMLVf8lKBuMD2AFalNU6STosGbd8oaKCPh23JYY4gDa6d0EdnWtmQcjn7MkBbhJ4fKDFK/s1600/netaji1.jpg)
ठाट सूं सोवै
पण
पांच सालां बाद
फगत बोटां में
नेता ई उठै
बाकी तो म्हारै देस में
नित पड़ै ई पड़ै
कदै ई काळ पड़ै
कदै ई मेह पड़ै
कदै ई छापा पड़ै
कदै ई टोटो पड़ै
कदै ई रोळो पड़ै
कदै ई जहाज पड़ै
कदै ई बोट पड़ै
बोटर भोळो पड़ै
नेता धोळो पड़ै
नेता रो झोळो
भरणों पड़ै
टैक्सां री मार पड़ै
जनता नै पांच साल
भुगतणों पड़ै
लाख कोसिसां रै बाद भी
पार नीं पड़ै
पछै फाईलां चालै
घूस चालै
डिजायरां चालै
कमीशन चालै
आयोग चालै
जूता चालै
जनता री एक नीं चालै
फगत सरकार चालै !
कोई टिप्पणी नहीं:
एक टिप्पणी भेजें