कागद राजस्थानी

गुरुवार, 24 अप्रैल 2014

*गोळी*

गोळी आळा गोळी दे ।
भरगै म्हानै झोळी दे ।।

दादो म्हारो पटवारी
काम बां रो सरकारी
कीमत देसी बै सारी
थूं चरकी हिंगोळी दे ।
गोळी आळा गोळी दे ।
भरगै म्हानै झोळी दे ।।

खाटी मीठी धरदे थूं
झोळी म्हारी भरदे थूं
सुपनो सांचो करदे थूं
लाल दे या धोळी दे ।
गोळी आळा गोळी दे ।
भरगै म्हानै झोळी दे ।।

धोबो गोळी बाई री
आधी पड़दी भाई री
बाकी ताबै आई री
खाथी दे या होळी दे ।
गोळी आळा गोळी दे ।
भरगै म्हानै झोळी दे ।।

कोई टिप्पणी नहीं:

एक टिप्पणी भेजें

Related Posts Plugin for WordPress, Blogger...