कागद राजस्थानी

शुक्रवार, 21 जून 2013

* -भाषा खातर-- सतलड़ी*

अणबोल्या अब मरां कोनीँ ।
डरावणियां सूं डरां कोनीं ।
ले गै रैस्यां मात भाषा ।
पग तो पाछा करां कोनी ।।
भाषा खातर दिल्ली जास्यां। 

खाली हाथां फुरां कोनीं ।।
झांसा देय टोरया म्हांनै ।
अब टोरो तो टुरां कोनीं ।।
भाषा अब देवणी पड़सी ।
सुक्कै झांसां पसरां कोनीँ ।।
भाषा आळी टाळो मांग ।
म्हे कोई मसखरा कोनीँ ।।
म्हारै पचै म्हारी भाषा ।
दूजी भाषा जरां कोनीँ ।।

कोई टिप्पणी नहीं:

एक टिप्पणी भेजें

Related Posts Plugin for WordPress, Blogger...
इस गैज़ेट में एक गड़बड़ी थी.