कागद राजस्थानी

गुरुवार, 24 अप्रैल 2014

. *घी घालां तो गाळ*

साग बणावां बापजी, प्याज टमाटर टाळ ।
छमकां जे म्हे तेल में , म्हानै लागै गाळ ।।
पाणीं ठोकां धपटवों , जे म्हे रांधा दाळ ।
चूरां कोरी रोटियां , घी घालां तो गाळ ।।
फळ खावां न दूध पियां , ऐ चीजां जंजाळ ।
मेवा मिसरी सोचतां , म्हांनै आवै झाळ ।।
फोटू देखां साग री , मुंडै चालै ल्याळ ।
इण भै सूं म्हे डरपता , फोटू देवां बाळ ।।
नोट कमायो बापजी , डील समूळो गाळ ।
राज बतावै बापजी , रिपियो गुड़कै ढाळ ।।

कोई टिप्पणी नहीं:

एक टिप्पणी भेजें

Related Posts Plugin for WordPress, Blogger...