कागद राजस्थानी

गुरुवार, 24 अप्रैल 2014

लाडू गोळमटोळ

मत कर माऊ टाळमटोळ ।
लाडू दे दे गोळमटोळ ।।

लाडू खा जाऊं पोसाळ
भणबां री म्हैं पकड़ूं ढाळ
जे थूं देसी रोटी-दाळ
हो जावैला बींटा गोळ।।

गोलू री मा देवै रोज
मोलू रै है नित री मोज
चम्पू ल्यावै भरगै गोज
छाछ राबड़ी देस्यूं ढोळ ।।

टीफण सगळो भर देय थूं
लाडू उण में धर देय थूं
हामळ बेगी भर दे थूं
नीं खाऊंला चरको झोळ ।।

मत कर माऊ टाळमटोळ ।
लाडू दे दे गोळमटोळ ।।

कोई टिप्पणी नहीं:

एक टिप्पणी भेजें

Related Posts Plugin for WordPress, Blogger...
इस गैज़ेट में एक गड़बड़ी थी.